ഇക്കുറി ജ്ഞാനപീഠപുരസ്‌കാരം പ്രശസ്ത ഗുജറാത്തി സാഹിത്യകാരന്‍ രഘുവീര്‍ ചൗധരിക്ക്. 11 ലക്ഷം രൂപയും സരസ്വതീശില്പവും പ്രശംസാപത്രവുമടങ്ങിയതാണ് അവാര്‍ഡ്.
നോവലിസ്റ്റ്, കവി, കോളമിസ്റ്റ്, നിരൂപകന്‍, നാടകകൃത്ത്, ഉപന്യാസകാരന്‍, അധ്യാപകന്‍ എന്നീ നിലകളിലെല്ലാം പ്രശസ്തനാണ് രഘുവീര്‍ ചൗധരി. 80ല്‍പുരം പുസ്തകങ്ങള്‍ പ്രസിദ്ധീകരിച്ചിട്ടുണ്ട്. ഇദ്ദേഹത്തിന്റെ നോവല്‍ ത്രയത്തിന് (ഉപര്‍വാസ്, സഹവാസ്, അന്തര്‍വാസ്) കേന്ദ്ര സാഹിത്യ അക്കാദമി അവാര്‍ഡ് ലഭിച്ചിട്ടുണ്ട്.
1938 ഡിസംബര്‍ 5ന് ഗുജറാത്തിലെ ബാപുപുരയില്‍ ജനിച്ചു. ജ്ഞാനപീഠം നേടുന്ന നാലാമത്തെ ഗുജറാത്തി സാഹിത്യകാരനാണ് ഇദ്ദേഹം.
