ജസ്റ്റീസ് റ്റി.എസ്. താക്കൂര്‍ സുപ്രീം കോടതി ചീഫ് ജസ്റ്റീസ്

രാജ്യത്തെ പരമോന്നത നീതിപീഠത്തിന്റെ ചീഫ് ജസ്റ്റീസായി ജസ്റ്റീസ് തീര്‍ഥ് സിംഗ് താക്കൂര്‍ നിയമിതനായി.

നിലവിലുള്ള ചീഫ് ജസ്റ്റീസ് ജസ്റ്റീസ് എച്ച്. എല്‍ ദത്തു സ്ഥാനമൊഴിയുന്ന മുറയ്ക്ക് 2015 ഡിസംബര്‍ 2ന് ഇദ്ദേഹം ചുമതലയേല്‍ക്കും. സുപ്രീം കോടതിയുടെ 43-ാമത് ചീഫ് ജസ്റ്റീസാണ് ജസ്റ്റീസ് താക്കൂര്‍. 2017 ജനുവരി 4 വരെയാണ് ഇദ്ദേഹത്തിന്റെ കാലാവധി. 

ഡല്‍ഹി, പഞ്ചാബ്, ഹരിയാന ഹൈക്കോടതികളില്‍ ചീഫ് ജസ്റ്റീസ് സ്ഥാനം വഹിച്ചിട്ടുണ്ട്. 2009ലാണ് സുപ്രീം കോടതി ജഡ്ജിയായി നിയമിതനായത്.

1952 ജനുവരി 4ന് ജമ്മു കാശ്മീരിലെ റംബാനിലാണ് ഇദ്ദേഹം ജനിച്ചത്.