റാഫേല്‍ നദാലിന് യു.എസ് ഓപ്പണ്‍ ടെന്നീസ് കിരീടം.

റഷ്യന്‍ താരം ഡാനില്‍ മെദ്വെദേവിനെ കീഴടക്കി റാഫേല്‍ നദാലിന് യു.എസ് ഓപ്പണ്‍ ടെന്നീസ് കിരീടം. സ്‌കോര്‍: 7-5, 6-3, 5-7, 4-6, 6-4. നഡാലിന്റെ കരിയറിലെ 19-ാം ഗ്രാന്‍സ്ലാം കിരീടം.ഇനി റോജര്‍ ഫെഡററുടെ 20 ഗ്രാന്‍സ്ലാമെന്ന നേട്ടത്തിനൊപ്പമെത്താന്‍ നദാലിന് ഒരൊറ്റ കിരീടം കൂടി മതി. കിരീടത്തിന്റെ എണ്ണത്തില്‍ ഫെഡറര്‍ക്കും നദാലിനും താഴെ ദ്യോക്കോവിച്ചാണുള്ളത്. ദ്യോകോയുടെ അക്കൗണ്ടില്‍ 16 കിരീടങ്ങളുണ്ട്. 14 കിരീടവുമായി പീറ്റ് സാപ്രസ് നാലാമതാണ്.